Kuntonŋ-bɔnŋ jaanddieog n yab kasied
Bina 2023 n ninŋ i, g Kuntonŋ-bɔnŋ Pastiɛl Duud Pɔl bo gbad ATAPEB yab ciɛnm kalaatu muandi, g la k l mɔn k u bobn u jaanddieog n yab l kalaatu luodu po. Kuntonŋ-bɔnŋ be Daapaaɔnŋ dopienu n i.
Bina 2024 fawaaɔg ŋmaalg n ninŋ i, g ciɛnm kalaatu bo luod g daan juod naalɔunŋ. Niib 21, jab 2 yen puob 19 n bo tien l kalaatu. B jaanddieog n jua Laal Pag-Yendu n bo gad g gaal tunda ATAPEB ciɛnm kalaatu yab buol g kpen g tund’b. U bo sun l tuonn fam i, u bo g gaal pani. Bignjijuog puol po, niib 18 n bo dii g gaal cincinn banm kadaaɔg muaba n ninŋ.
Bina 2025 n ninŋ i, g bina nle kalaatu daan tien l jaanddieog n ninŋ. B daan tie niib 12 i, g sun yen Yendu Kadaaɔg yen muaba kadafand liinu yen diɛnu, g tien ŋmaali ŋanle. B daan tien’m bignu g puob banwai dii g bu gaal b munle po banm kadaaɔg. L puol po, g puob banluob tugn yen bituudm banŋu. L ji daan g ŋanm g paa b po g dugn b ban muaba liinu yen diɛnu. B daan tien l kalaatu mɔ ŋmaali ŋanle i. Bignu puol po, g puob banmu bu gaal kadaaɔg nba ŋɔnŋ k b mɔ ji bu fid g maad bituudm. B jaanddieog n puo Diyuob Faati n daan gaal tunda ATAPEB ciɛnm kalaatu yab buol, g tund'b l ŋmaali ŋanna kul. U mɔ biɛ daan sun l tuonn g g gaal pani.
B banm kadaad tenu daal jaanddieog n i, k b Pastiɛl Duud Pɔl daan gaal niib banŋaa nne kasied nba ŋɔnŋ l kalaatu n tod'b nand b dindann n ninŋ.
Kasied nba g Pastiɛl Duud Pɔl gaal n nyan :
